اپنے ہی دشمن
اگر آپ اپنے ہی گھر والوں کو دشمن بنانا چاہتے ہیں
یا اپنی ساری عمر کی محنت پر خود ہی پانی پھیرنے کا شوق رکھتے ہیں،
تو بس ایک ہی کام کریں:
ساری زندگی باہر رہ کر پیسے بھیجتے رہیں، خاموشی سے۔
لیکن ذرا سا حوصلہ کر کے ایک دن اپنے حق کی بات کر کے دیکھ لیں،
یا یہ کہہ دیں کہ اب حالات ایسے نہیں رہے،
تو وہی لوگ جو آپ کو “سب سے اچھا” کہتے تھے،
پل بھر میں اجنبی بن جاتے ہیں۔
آج کے حالات میں سچ یہی ہے کہ پیسہ جب تک آ رہا ہو،
رشتے مضبوط لگتے ہیں۔
جس دن سوال آ جائے
حساب کی بات ہو جائے
یا آپ اپنی زندگی کے بارے میں خود فیصلہ کرنا چاہیں
اسی دن محبتیں آزمائش میں پڑ جاتی ہیں۔
یہ کہانی ایک کی نہیں، ہزاروں کی ہے۔
بس فرق اتنا ہے کہ کچھ لوگ مان لیتے ہیں
اور کچھ ساری عمر سمجھوتہ کرتے رہتے ہیں
یہ بھی پڑھیں۔۔۔۔