صوبہ پنجاب کے اسکولوں کی کنٹین پر تلی ہوئی اور کھلی اشیا فروخت کرنے پر پابندی عائد

 

صوبہ پنجاب کے اسکولوں کی کنٹین پر تلی ہوئی اور کھلی اشیا فروخت کرنے پر پابندی عائد

اب کنٹین پر سموسے،پکوڑے اور نان ٹکی فروخت نہیں کی جاسکے گی۔
اسکولوں میں صرف فوڈ اتھارٹی سے منظورہ شدہ اشیا ہی فروخت کرنے کی اجازت ہوگی جبکہ فروٹ چاٹ، آلو چنے اور سلنڈر والا چولہا جلانے پر بھی پابندی عائد ہوگی، قوانین کی خلاف ورزی پر کنٹین کو بھاری جرمانہ کیا جائے گا یا کنٹین سیل کردی جائے گی، اس بارے میں ڈسٹرکٹ ایجوکیشن اتھارٹی لاہور نے تمام اسکولوں کو ہدایت جاری کردی.

سی ای او ایجوکیشن کا کہنا ہے کہ احکامات کی خلاف ورزی پر متعلقہ اسکول سربراہان کو بھی انکوائری میں شامل کیا جائے گا۔

واضح رہے کہ اس سے قبل اسکولوں میں مضر صحت مشروبات بیچنے  پر بھی پابندی عائد کی گئی تھی.

دوسری جانب لاہور کے مختلف اسکولوں میں کورونا ایس او پیز کی خلاف ورزی پر ایجوکیشن اتھارٹی نے نوٹس لے لیا سی ای او، ڈی ای اوز اور ڈپٹی ڈی ای اوز اسکولوں کا وزٹ کریں گے، اسسٹنٹ ڈائریکٹرز اور اے ای اوز بھی اسکولوں کا وزٹ کریں گے.

انسپکشن ٹیمیں اسکولوں میں صفائی، فرنیچرز، فنڈز کے ریکارڈ کا جائزہ لیں گی۔

 دوران وزٹ ایجوکیشن ، ٹائم ٹیبل ،حاضری،پلے گرائونڈز اور بائونڈری وال کا بھی معائنہ کیا جائے گا، کوتاہی کی صورت میں متعلقہ اسکول سربراہان کیخلاف کارروائی کی جائے گی.