روس نے ملک بھر میں واٹس ایپ کو بین کر دیا
\
روس میں لاکھوں افراد اچانک واٹس ایپ سے محروم ہو گئے جب حکام نے انکرپٹڈ میسجنگ سروس تک رسائی بلاک کرنے کا اقدام کیا۔
روسی ریگولیٹرز نے میٹا کی ملکیت والی اس ایپ کو روسکومنادزور کے زیرِ انتظام سرکاری آن لائن رجسٹری سے ہٹا دیا، جس کے نتیجے میں یہ پلیٹ فارم ملک بھر میں پیچیدہ تکنیکی طریقوں کے بغیر قابلِ رسائی نہیں رہا۔
یہ اقدام ماضی کی سست رفتار یا جزوی پابندیوں سے کہیں زیادہ سخت سمجھا جا رہا ہے۔ اس سے اشارہ ملتا ہے کہ ماسکو واٹس ایپ کو طویل مدت یا حتیٰ کہ مستقل طور پر بلاک کرنے کا ارادہ رکھتا ہے۔
حالیہ عرصے تک واٹس ایپ کے روس میں 10 کروڑ سے زائد صارفین تھے۔ اطلاعات کے مطابق حکومت شہریوں کو ایک ریاستی سرپرستی میں چلنے والے قومی میسنجر کی جانب منتقل کرنے کی کوشش کر رہی ہے، جسے ناقدین زیادہ نگرانی اور کنٹرول کا ذریعہ قرار دیتے ہیں۔
واٹس ایپ نے ردِعمل میں کہا کہ روسی حکومت لاکھوں افراد کو محفوظ رابطے سے محروم کرنے کی کوشش کر رہی ہے اور خبردار کیا کہ ایسے اقدامات ملک میں صارفین کی رازداری اور سلامتی کو متاثر کر سکتے ہیں۔
یہ بھی پڑھیں۔۔۔